Argitaratua 2017(e)ko Urriaren 25, 09:18
Atzerritik etorritako eta bertan bizi diren familiak, bazkari baten bidez, mahai inguru batean elkartzeko aukera ematen duen egitasmoa da Bizilagunak 2017. Bazkari bakoitzean, bertako eta familia etorkin bana elkartuko dira dinamizatzaile batekin batera familietako baten etxean. Dinamizatzaileak hitzordua antolatzen lagunduko du, aurkezpenak egin, giroa gozatu, … 2012tik Euskal Herrian milaka lagunek parte hartu dute Bizilagunak ekimenean. Aurten, zuk ere bizi dezakezu esperientzia hori, eta bizilaguna izan. Bertakoa edo kanpotik etorritakoa izanik, hemen bizi bazara familia, bikote, pisukide edo lagunekin, eta zure herri edo hiriko beste familia bat ezagutu nahi baduzu, animatu bazkari batean parte hartzera azaroaren 19an eguardiko 14:00etan.