Argitaratua 2018(e)ko Martxoaren 6, 06:51
Gipuzkoako SOS Arrazakeriak bat egiten du datorren martxoaren 8rako mugimendu feministak deitu duen grebarekin, elkarretaratze eta manifestazioekin. Emakume eta gizonen arteko berditasun osoa lortzeko egiturazko aldaketak behar direla aldarrikatzen dugu.
Prekaritatea, soldataren desberdinkeria eta sexu jazarpenarekin bukatzea dira besteak beste mugimendu feministaren aldarrikapenetako batzuk egun horretarako, beharrezkoak eta bidezkoak eta SOS Arrazakeriak bere egiten dituenak.
Bestalde, SOS Arrazakeriak gogorarazi nahi du emakume etorkin edo gutxiengoetakoak gizartean, dela larruazala, erlijioa, jaioterria, etnia edo kulturagatik, diskriminatuak izaten direla gutxienez bi ezaugarriongatik, alegia aipaturikoak eta emakume izateagatik, hain zuzen ere.
Beraz, SOS Arrazakeriak datorren ostegunean egingo diren ekintzetan diskriminazio anizkoitz jakin horiek ere salatu eta ikusarazteko gonbitea luzatu nahi du .
Informazio gehiago:
Anaitze Agirre Larreta 655 71 72 92
anaitze.agirre@sosracismo.eu