Argitaratua 2016(e)ko Abenduaren 16, 08:57
Gaur goizean Gipuzkoako SOS Arrazakeriako Bizilagunak ekimenaren koordinatzaileak Silvana Luciani eta Tarana Karimek Gizarte Zibilari Saria jaso dute Bruselan Europako Batzorde Ekonomikoaren eskutik.
Saria zortzigarren urtez banatu da eta aurten 284 ekimen europar desberdin aurkeztu dira lehiaketara. SOS Arrazakeriak Bizilagunak ekimenarengatik jaso du eta “errefuxiatu eta etorkinen integrazioa errazteko ekimen berritzaileen” artean aukeratua izan da. Bost sarituak dira SOS MEDITERRANEE (Alemania); Artemisszió Fundazioa (Hungaria); Dionisia Arvanitakis (Grezia); ILIAKTIDA AMKE (Grezia); Gipuzkoako SOS Arrazakeria.
Gogoratu Bizialgunak 2012an hasi zela antolatzen SOS Arrazakeriaren eskutik eta ordutik 1500 famili eta 700 lagundik gora hartu dute parte bertan. Hain zuzen ere, joan den azaroan 2600 lagundik gora, bertako eta atzerriko 235 familik elkartu ziren bazkaltzeko Euskadin.
SOS Arrazakeriako Silvana Lucianik “hau ahalbidetu duten elkarte, erakunde eta lagun guztiak” zoriondu ditu. “Ekimen honetan gurekin batera bidea egin duten Eusko Jaurlaritza, Gipuzkoako Foru Aldundia eta hainbat udaletxeri ere. Esku guztiak dira beharrezkoak eta baliagarriak gizarte justu eta guztion eskubideekin adeitsua dena” gaineratu du.
