Argitaratua 2021(e)ko Apirilaren 23, 07:55
Iturria: Hiritarron Harrera Sarea - Red Ciudadana de Acogida
Beren ibilbideen, asmoen eta ilusioen kontakizuna da, lehen pertsonan. Era berean, gure gizartean dituzten oztopoak eta elkartasunezko laguntzak erakusten dituzte.
Protagonisten presentziarekin beta ezin hobea da, aurrera egiteko aukera handiak dituen kolektibo baten egunerokoa bertatik bertara ezagutzeko. Beti ere diskriminaziorik eta aurreiritzirik gabe entzunez gero.
Sareko jende guztia animatu nahi dugu dokumentalaren aurkezpenera. Azken urtean Harrerak egindako lanari buruzko informazioarekin eta egungo egoeraren eta aurrean ditugun erronken balorazioarekin osatuko dugu saioa.
Ez da soilik Harrerarako ekitaldi bat; beraz, garrantzitsua izango litzateke interesa izan dezaketen zuen inguruko pertsonak gonbidatzea.
Astelehenean elkartuko gara.