Albisteen datu-basea tresna interaktiboa da eta alor desberdin eta anitzei buruzko informazioa eskatu diezaioke erabiltzaileak; data, gaia, eduki mota - informazioa edo iritzia-, tokia, emakumeak agertzen diren, adingabeak, ijitoak, informazio-iturria eta abarrei buruz galde diezaioke. Honez gain, data mugatu baten araberako bilaketak egin ditzake eta bi alor desberdin gurutzatuz, bilaketa konbinatua egin dezake.
Estatistika eta grafikoak: Informazioa estatistika eta grafikoen bitartez ikusi daiteke. Hain zuzen ere eta beti erabiltzeko erraztasun guztiak ematearren, hitz gakoez osaturiko hodeiak ere badaude. Alegia, indexatu ditugun kontzeptuak ikusi daitezke pantailan eta jasotzen duten informazio eta eduki kopuruaren arabera hitzok handiagoak edo txikiagoak ikusten dira, kolore argi edo ilunagoarekin. Hitz gakoak aldi berean estekak dira eta indexaturik dituzten edukietara eramango gaituzte gainean klik eginez gero.